Monday, November 15, 2010

oda ni lyn

kung susumahin ko lahat ng mga pinagdaanan ko,
hindi ko masasabing ngkulang ka o nasalat ako ng kung
ano...


pagkat ginawa mo ang makakaya mo at hinigitan mo pa ang sana'y
kayang gawin ng dal'wa
isa kang matatawag na huwaran hindi lang bilang ina ---
hindi lang bilang babae
kundi bilang nilalalang na may pagmamahal at
pang- unawa.


lahat ng ating sinakyan na mga malungkot na pagkakataon,
ginawa mong magaan ang byaheng kala ko'y walang patutunguhan.
ang aking ginhawa ay ang magising araw- araw na kapiling ka
at aking pinasasalamatan si Bathala.


laman ka ng aking mga pangarap,
isa ka sa humubog ng aking magagandang panaginip...
huwaran ka ng aking pagiging babae at hangad
kong manahin lamang kahit kaunting
katatagan mo bilang tao.


Lyn ka man sa iba, anghel ka sa buhay ko.
Tinapon ka man ng isa, katumbas nito'y tatlo
mong supling na nagmamahal sa'yo.


pinaluha ka man ng maraming beses, batid namin na mapaligaya
ka sa mga darating na panahon--- dahil ikaw si LYn..
ang babaeng nagluwal ng tatlong matatag na taong
hinubog ng Diyos, ng panahon at ng iyong puso.

No comments:

Post a Comment